Благослови, душе моя, Господа, Благословен еси Господи. Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашим сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боявшихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко той позна создание наше, помяну, яко персть есмы. Человек, яко трава дние его, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся силы Его, слуги Его, творящии волю Его. Благословите Господа вся дела Его, на всяком месте владычества Его. Благослови, душе моя, Господа. Слава Отцу и Сыну и Святому Духу, и ныне и присно и во веки веков. Аминь. Благослови, душе моя, Господа, и вся внутренняя моя имя святое Его. Благословен еси Господи.

С нами Бог! Разумейте, языцы, и покаряйтеся, яко с нами Бог. С нами Бог! Разумейте, языцы, и покаряйтеся, яко с нами Бог.

Услышите до последних земли. Яко с нами Бог.

Могущии, покаряйтеся. Яко с нами Бог.

Страха же вашего не убоимся, ниже смутимся. Яко с нами Бог.

Господа же Бога нашего, Того освятим, и Той будет нам в страх. Яко с нами Бог.

И аще на Него надеяся буду, будет мне во освящение. Яко с нами Бог.

И уповая буду на Него и спасуся и. Яко с нами Бог.

Людие ходящии во тьме, видеша свет велий. Яко с нами Бог.

Живущии во стране и сени смертней, свет возсияет на вы. Яко с нами Бог.

Яко Отроча родися нам, Сын, и дадеся нам. Яко с нами Бог.

И нарицается Имя Его, Велика Совета Ангел. Яко с нами Бог.

Отец будущаго века. Яко с нами Бог.

С нами Бог, разумейте языцы, и покаряйтеся. Яко с нами Бог.

Слава Отцу, и Сыну, и Святому Духу. С нами Бог.

И ныне, и присно, и во веки веков. Аминь. С нами Бог.

Яко с нами Бог.

Не отврати лица Твоего от отрока Твоего, яко скорблю, скоро услыши мя: вонми души моей, и избави ю. Спасение Твое Боже да приимет мя. Да узрят нищии, и возвеселятся. Взыщите Бога, и жива будет душа ваша. Не отврати лица Твоего от отрока Твоего, яко скорблю, скоро услыши мя: вонми души моей, и избави ю. От конец земли к Тебе воззвах. Покрыюся в крове крил Твоих. Тако воспою имени Твоему во веки. Дал еси достояние боящимся Тебе, Господи. Не отврати лица Твоего от отрока Твоего, яко скорблю, скоро услыши мя: вонми души моей, и избави ю.

Хвалите имя Господне, хвалите, раби Господа. Аллилуя. Аллилуя. Аллилуя.

Стоящии во храме Господни, во дворех дому Бога нашего. Аллилуя. Аллилуя. Аллилуя.

Благословен Господь от Сиона, живый во Иерусалиме. Аллилуя. Аллилуя. Аллилуя.

Исповедайтеся Господеви, яко благ. Аллилуя. Яко в век милость Его. Аллилуя.

Исповедайтеся Богу богов. Аллилуя. Яко в век милость Его. Аллилуя.

Исповедайтеся Господеви господей. Аллилуя. Яко в век милость Его. Аллилуя.

Раздельшему Чермное море в разделения. Аллилуя. Яко в век милость Его. Аллилуя.

И проведшему Израиля посреде его. Аллилуя. Яко в век милость Его. Аллилуя.

Яко во смирении нашем помяну ны Господь. Аллилуя. Яко в век милость Его. Аллилуя.

И избавил ны есть от врагов наших. Аллилуя. Яко в век милость Его. Аллилуя.

Исповедайтеся Богу Небесному. Аллилуя. Яко в век милость Его. Аллилуя.

На реках Вавилонских, тамо седохом и плакахом, внегда помянути нам Сиона. Аллилуя. На вербиих посреде его обесихом органы наша. Аллилуя. Яко тамо вопросиша ны пленшии нас о словесех песней и ведшии нас о пении: воспойте нам от песней Сионских. Аллилуя. Како воспоем песнь Господню на земли чуждей? Аллилуя. Аще забуду тебе, Иерусалиме, забвена буди десница моя. Аллилуя. Прильпни язык мой гортани моему, аще не помяну тебе, аще не предложу Иерусалима, яко в начале веселия моего. Аллилуя. Помяни, Господи, сыны Едомския, в день Иерусалимль глаголющия: истощайте, истощайте до оснований его. Аллилуя. Дщи Вавилоня окаянная, блажен иже воздаст тебе воздаяние твое, еже воздала еси нам. Аллилуя. Блажен иже имет и разбиет младенцы Твоя о камень. Аллилуя.

Перевод:

При реках Вавилона, там сидели мы и плакали, когда вспоминали о Сионе; на вербах, посреди его, повесили мы наши арфы. Там пленившие нас требовали от нас слов песней и притеснители наши — веселья: «Пропойте нам из песней Сионских». Как нам петь песнь Господню на земле чужой? Если я забуду тебя, Иерусалим, — забудь меня десница моя; прилипни язык мой к гортани моей, если не буду помнить тебя, если не поставлю Иерусалима во главе веселия моего. Припомни, Господи, сынам Едомовым день Иерусалима, когда они говорили: «Разрушайте, разрушайте до основания его». Дочь Вавилона, опустошительница! блажен, кто воздаст тебе за то, что ты сделала нам! Блажен, кто возьмет и разобьет младенцев твоих о камень! («Младенцы» здесь суть греховные помыслы, которые разбиваются о камень веры.)

Благословен еси, Господи, научи мя оправданием Твоим. Благословен Ты, Господи, научи меня заповедям Твоим.

Ангельский собор удивися, зря Тебе в мертвых вменившася, смертную же, Спасе, крепость разориша, и с Собою Адама воздвигша, и от ада вся свобождша. Сонм Ангелов изумлен был, видя Тебя, Спаситель, причисленного к мертвым, но разрушившего силу смерти, воскресившего с Собой Адама и освободившего всех от ада.

Благословен еси, Господи, научи мя оправданием Твоим. Благословен Ты, Господи, научи меня заповедям Твоим.

Почто мира с милостивными слезами, о ученицы, растворяете; блистаяйся во гробе Ангел мироносицам вещаше: видите вы гроб и уразумейте: Спас бо воскресе от гроба. Зачем вы, ученицы (мироносицы), мешаете миро со слезами сострадания? Сияющий во гробе Ангел вещал мироносицам: «Смотрите на этот гроб и знайте, что Спаситель воскрес из мертвых».

Благословен еси, Господи, научи мя оправданием Твоим. Благословен Ты, Господи, научи меня заповедям Твоим.

Зело рано мироносицы течаху ко гробу Твоему рыдающия, но предста к ним Ангел и рече: рыдания время преста, не плачите, воскресение же апостолом рцыте. Ранним утром мироносицы спешили ко гробу Твоему, рыдая, но предстал перед ними Ангел и сказал: прошло время рыдания, не плачьте, но скажите апостолам о воскресении.

Благословен еси, Господи, научи мя оправданием Твоим. Благословен Ты, Господи, научи меня заповедям Твоим.

Мироносицы жены с миры пришедша ко гробу Твоему, Спасе, рыдаху, Ангел же к ним рече, глаголя: что с мертвыми Живаго помышляете? Яко Бог бо воскресе от гроба. Мироносицы жёны, с миром пришедшие к Твоему, Спаситель, гробу, рыдали, но Ангел сказал им: что вы Живого причисляете к мертвым? Ибо Он, как Бог, воскрес из мертвых.

Слава: Поклонимся Отцу и Его Сынови и Святому Духу, Святей Троице во едином существе с Серафимы зовуще: Свят, Свят, Свят еси Господи. Слава: Поклонимся Отцу и Его Сыну и Святому Духу, Святой Троице во едином существе, взывая с Серафимами: Свят, Свят, Свят Ты, Господи.

И ныне: Жизнодавца рождши, греха, Дево, Адама избавила еси, радость же Еве в печали место подала еси, падшия же от жизни к сей направи из Тебе воплотивыйся Бог и Человек. И ныне: Родив подателя жизни, Дева, Ты избавила Адама от греха; Еве же радость вместо горя даровала; отпадших же от жизни направил к ней от Тебя воплотившийся Бог и Человек.

Аллилуиа. Аллилуиа. Аллилуиа. Слава Тебе Боже. Аллилуиа. Аллилуиа. Аллилуиа. Слава Тебе Боже. Аллилуиа. Аллилуиа. Аллилуиа. Слава Тебе Боже.

Господи сил с нами буди, иного бо разве Тебе помощника в скорбех не имамы: Господи сил, помилуй нас.

Хвалите Бога во святых Его, хвалите Его во утвержении силы Его. Господи сил с нами буди:

Хвалите Его на силах Его, хвалите Его по множеству величествия Его. Господи сил с нами буди:

Хвалите Его во гласе трубнем, хвалите Его во псалтири и гуслех. Господи сил с нами буди:

Хвалите Его в тимпане и лице, хвалите Его во струнах и органе. Господи сил с нами буди:

Хвалите Его в кимвалех доброгласных, хвалите Его в кимвалех восклицания: всякое дыхание да хвалит Господа. Господи сил с нами буди:

Хвалите Бога во святых Его, хвалите Его во утвержении силы Его. Господи сил, с нами буди:

Слава: Господи, аще не быхом святыя Твоя имели молитвенники, и благостыню Твою милующую нас: како смели быхом Спасе, пети Тя, Егоже славословят непрестанно ангели? Сердцеведче, пощади души наша.

И ныне: Многая множества моих Богородице прегрешений, к Тебе прибегох Чистая, спасения требуя. Посети немощствующую мою душу, и моли Сына Твоего и Бога нашего, дати ми оставление, яже содеях лютых, едина Благословенная.

Всесвятая Богородице, во время живота моего не остави мене, человеческому предстательству не ввери мя: но Сама заступи, и помилуй мя.

Все упование мое на Тя возлагаю, Мати Божия, сохрани мя под кровом Твоим.